-
-
-
-
काठमाडौं । बलिउड अभिनेत्री जाह्नवी कपुरले हालै आफ्नी स्वर्गीय आमा श्रीदेवीलाई गुमाउनु आफ्नो जीवनको सबैभन्दा ठूलो लडाई भनेकी छन् ।
श्रीदेवीको निधन हुँदा जाह्नवी पहिलो फिल्म ‘धडक’ को सुटिङ गरिरहेकी थिइन् ।
उनलाई त्यस समयमा काम गरिरहने इच्छाशक्ति कायम राख्न र जीवनमा अचानक आएको यो घटनामा बलियो रहन बाटो खोज्न निकै गाह्रो भएको थियो ।
२४ फेब्रुअरी २०१८ मा, श्रीदेवी दुबईको एक होटलको बाथरुममा मृत फेला परेकी थिइन्।
श्रीदेवी परिवारका साथ भतिजा मोहित मारवाहको विवाहमा सहभागी हुन दुबई गएकी थिइन् ।
जाह्नवी कपुर यतिबेला फिल्म ‘बवाल’ लिएर आउँदै छिन् ।
फिल्म ‘बवाल’मा जाह्नवी र वरुण धवन पहिलो पटक एकसाथ पर्दामा देखिनेछन् ।
