- सुन चाँदी दर
- विनिमय दर
- नेपाली पात्रो
- राशिफल
काठमाडौँ । जिम्बाब्वेमा जारी आईसीसी विश्वकप छनोट क्रिकेट प्रतियोगिता अन्तर्गत प्लेअफ खेलमा नेपालले यूएईसँग प्रतिस्पर्धा गरिरहेको छ । सुपर सिक्समा पुग्न सफल नेपाल र यूएई प्लेअफको सेमिफाइनलमा भिडिरहेका हुन् ।
जितका लागि नेपालले १८२ रनको चुनौती लिएर मैदानमा उत्रिएको छ ।
यसअघि टस जितेर पहिले फिल्डिङ गरेको नेपालले यूएईलाई १८१ रनमा रोकेको थियो । नेपालले यूएईलाई ४६.५ ओभरमा अलआउट गरेको थियो । कप्तान वृत्य अरविन्दले सर्वाधिक ४४ रन बनाएको इनिङ्सलाई सस्तैमा समेट्ने क्रममा करण केसी र सन्दीप लामिछानेले समान ३–३ विकेट लिए ।
प्रतिस जीसी, गुल्सन झा र दिपेन्द्र सिंह ऐरीले समान १–१ विकेट लिए ।
यो प्लेअफ सातौँ स्थानका लागि प्लेअफ सेमिफाइनल खेल हो । यस खेलको विजेता टोलीले सातौँ स्थानको लागि आयरल्याण्डसँग फाइनल खेल्नेछ । पराजित टोलीले नवौँ स्थानको लागि अमेरिकासँग प्रतिस्पर्धा गर्नेछ ।
आयरल्याण्ड प्लेअफमा अमेरिकालाई ६ विकेटले हराउँदै सातौँ स्थानका लागि भएको खेलमा फाइनलमा पुगेको हो ।
नेपालले समूह चरणमा अमेरिकालाई पराजित गर्दा जिम्बाब्वे, वेष्ट इन्डिज र नेदरल्याण्ड्ससँग पराजय भोगेको थियो ।