-
-
-
-
काठमाडौं । प्रधानमन्त्री पुष्पकमल दाहाल ‘प्रचण्ड’को भारत भ्रमणको तयारी भइरहेको बेला भारतीय जनता पार्टी (भाजपा) का विदेश विभाग प्रमुख विजय चौथाइवाले नेपाल आइपुगेका छन् ।
सुदूरपश्चिम प्रदेशमा शनिबारदेखि सुरु भएको अन्तर्राष्ट्रिय मानसखण्ड सम्मेलनमा भाग लिन चौथाइवाले सडकमार्ग हुँदै आइतबार धनगढी आइपुगेका हुन् ।
सुदूरपश्चिम प्रदेशका मुख्यमन्त्री कमलबहादुर शाहले चौथाइवालेलाई धनगढीमा स्वागत गरेका छन् ।
चौथाइवालेले सोमबार मानसखण्ड सम्मेलनलाई सम्बोधन गर्दैछन् । आजै काठमाडौं आएर उच्च राजनीतिक भेटघाट गर्ने कार्यक्रम रहेको छ ।
भारतीय प्रधानमन्त्री नरेन्द्र मोदीको निमन्त्रणमा प्रधानमन्त्री प्रचण्ड भारत भ्रमणमा जादै छन् । प्रचण्ड बैशाखको तेस्रो हप्ता भारत भ्रमणमा जाने भएपछि भाजपाका विदेश विभाग प्रमुख नेपाल प्रवेश गरेका हुन् ।
