इतिहास दोहोर्‍याउन नेपाली यू–१९ टिम मैदानमा, यूएईलाई हराए विश्वकपमा

हाम्रा कुरा

प्रकाशित २०७९ फागुन १८ बिहिबार

काठमाडौं । नेपालले आईसीसी यू–१९ विश्वकप एसिया क्षेत्र छनोट क्रिकेट अन्तर्गतको अन्तिम खेलमा अहिले यूएईसँग खेलिरहेको छ । खेलमा नेपालले पहिले ब्याटिङ गरिरहेको छ । नेपालले १५ ओभर खेल्दा ३ विकेट गुमाएर ५९ रन बनाएको छ ।

यो खेलको विजेता सन् २०२४ मा श्रीलंकामा हुने यू–१९ विश्वकपमा खेल्न पाउने छ । विजेता यो प्रतियोगिताको च्याम्पियन हुनेछ र श्रीलंकाको टिकट पाउन सफल हुनेछ ।

अहिलेसम्म दुवै टिम अपराजित छन् । दुवैले शुरुआती चार जितेका छन् । छनोटको अन्तिम खेलमा नेपाल र यूएई अजमानस्थित इर्डेन गार्डेन ओभलमा खेलिरहेका हुन् ।

नेपाल सन् २०१६ पछि पहिलो पटक यू–१९ विश्वकप खेल्ने बाटोमा रहेको छ । यसअघि यूएईसँग नेपाल सन् २०१९ मा भोगेको एक रनको हारको बदला लिँदै विश्वकपमा पुग्न चाहन्छ ।

मलेसियाको किन्रारा ओभल क्रिकेट एकेडेमीमा नेपाल २०१९ अप्रिल १३ तारिखमा यूएईसँग डकवर्थ लेविसका आधारमा एक रनले पराजित हुँदै विश्वकपमा पुग्नबाट चुकेको थियो ।

यसपालि नेपाल यूएईलाई उसकै भूमिमा हराएर विश्वकपमा पुग्न चाहन्छ । देव खनालको कप्तानीमा रहेको नेपाली टिम यसपालि निकै नै विश्वासी छ ।