-
-
-
-
काठमाडौं । नेपाल र क्यानाडाबीचको पहिलो एक दिवसीय क्रिकेट वर्षाले रद्द भएको छ । किङ सिटी स्टेडियममा मंगलबार हुनुपर्ने खेल वर्षाको कारण रद्द भएको हो । वर्षाको कारण खेल टससमेत नभइ रद्द भएको क्रिकेट क्यानाडाले जनाएको छ ।
दुई खेलको एक दिवसीय खेलका लागि क्यानाडा पुगेको नेपाली टोलीले अब दोस्रो खेल आज खेल्दैछ ।
यसअघि नेपाली टोलीले स्थानीय ओन्टारियो क्लबसँग दुई अभ्यास खेल खेलेको थियो । दुवै खेल नेपालले जितेको थियो ।
क्यानाडासँगको श्रृंखलापछि नेपाली टोली स्कटल्याण्ड जानेछ ।
विश्वकप लिग टु अन्तर्गत स्कटल्याण्डमा आयोजना हुने त्रिकोणात्मक एक दिवसीय श्रृंखला खेल्न नेपाल स्कटल्याण्ड जान लागेको हो ।
तेस्रो टोली नामिबिया हो ।
