काठमाडौं । सुनन्दा शेट्टी बलिउड अभिनेत्री शिल्पा शेट्टीकी आमा हुन् । सुनन्दा शेट्टी प्रायः कुनै न कुनै कारणले चर्चामा रहन्छिन् । सुनन्दा शेट्टीलाई शिल्पा शेट्टी र शमिता शेट्टीकी आमाको रूपमा चिनिन्छ तर उनी सधैँ चर्चामा रहन्छिन्।
उनीमाथि पटक पटक आरोप पनि लाग्ने गरेको लागेको छ । जसका कारण उनी विवादमा परेकी छिन् । सुन्दाले आज जुन २०, आफ्नो जन्मदिन मनाउँछिन् ।
शिल्पा शेट्टी फिटनेस फ्रीक हुन् र उनी प्राय: योग गरिरहेको भिडियो पोस्ट गर्छिन्। यस बाहेक शिल्पाले आयोसिस वेलनेस नामक एक फिटनेस चेन पनि चलाउँछिन्, जसको निर्देशक उनकी आमा सुनन्दा शेट्टी हुन्।
एक पटक उनकी आमाले स्वास्थ्य केन्द्रको शाखा खोल्ने नाममा जनताबाट करोडौं रुपैयाँ लिएको आरोप लागेको थियो ।
वेलनेस सेन्टरको शाखा खोल्ने नाममा पैसा लिएको भन्दै वाचा पूरा नभएको भन्दै सुनन्दा शेट्टी र वेलनेस सेन्टरविरुद्ध ठगीको मुद्दा दर्ता भएको थियो ।
मुद्दा दर्ता भएपछि उनीसँगै शिल्पा शेट्टीलाई पनि प्रहरीले सोधपुछका लागि बोलाएको थियो ।
शिल्पा शेट्टीका बुबा सुरेन्द्र शेट्टीले सन् २०१५ मा आफ्नो व्यवसायका लागि २१ लाख ऋण लिएका थिए, जसलाई तिर्नको लागि २०१७ सम्मको समय थियो । यो ऋण समयमै चुक्ता भएन ।
पछि सुन्दाले यस विषयमा आफूलाई जानकारी नभएको भन्दै ऋण तिर्न अस्वीकार गरेको बताइएको छ । उजुरीकर्ताले सुन्दा र शमिता दुवैलाई यो कुरा थाहा भएको बताएका छन् ।
