काठमाडौं । महेश बाबू तेलगु फिल्म इन्डस्ट्रीको सबैभन्दा मशहूर नाम हो। महेश बाबू दक्षिण भारतीय चलचित्रमा सबैभन्दा बढी शुल्क लिने सुपरस्टार मध्येका एक हुन् । महेश बाबू फिल्मी ब्याक ग्राउन्डबाट आएका भने होइनन् । उनले आफ्नै मेहनतले  सिनेमा अलगै पहिचान बनाए।  

महेश बाबू दक्षिणी उद्योगका किङ हुन् । उनको फ्यान फलोइङ निकै बलियो छ । फ्यानहरू उनीहरूको फिल्मलाई मनैदेखि पर्खिरहेका हुन्छन् र उनीहरूका फिल्मले बक्स अफिसमा धमाका पनि मच्चाउँछन् । यस्तो अवस्थामा उनी साउथ सिनेमामा सबैभन्दा बढी पारिश्रमिक लिने कलाकारको सूचीमा परेका छन् । भारतीय सञ्चारमाध्यमका  अनुसार महेश बाबूले एउटा फिल्मका लागि ५५ करोड भारु लिने गर्दथे तर अब अभिनेताले आफ्नो पारिश्रमिक बढाएका छन् । अहिले उनले एउटा फिल्मका लागि ८० करोड पारिश्रमिक लिइरहेका छन् ।

महेश बाबूको कुल सम्पत्ति अर्बमा छ । अभिनेताको कुल सम्पत्ति ३२  मिलियन अमेरिकी डलर रहेको छ । नेपाली मुद्रामा हेर्ने हो भने महेश बाबूको कुल सम्पत्ति करिब तीन अर्ब ९४ करोड रुपैयाँ छ । अभिनेताको अधिकांश कमाई फिल्म र ब्रान्ड एन्डोर्समेन्टबाट आउँछ।

अन्य सेलिब्रेटीजस्तै महेश बाबू पनि महँगो गाडीको मन पराउँछन् । अभिनेतासँग एकसेउक महँगा गाडी छन् । महेशसँग टोयोटा ल्यान्ड क्रुजर भी८, ल्यान्ड रोभर रेंज रोभर भोग, बीएमडब्ल्यू ७३० एलडी, मरेसिडिज बेन्ज जीएलएस ४५०, आउडी ए८एल जस्ता धेरै गाडीहरू छन्। यस बाहेक महेश बाबूको आफ्नै भ्यानिटी भ्यान पनि छ जुन कुनै पाँचतारे होटल भन्दा कम छैन । यी भ्यानिटी भ्यानहरू लक्जरी सुविधाहरूले सुसज्जित छन्। 

महेश बाबूको स्वामित्वमा रहेको भ्यानिटी भ्यान करिब ९ करोड ६० लाख भारतीय रुपैयाँको  हो। २०१३ मा रिलिज भएको फिल्म 'सीताम्मा वाकिट्टो सिरिमले चेत्तु' को बखत उनले यो भ्यान किनेका थिए। यो यस्तो ठाउँ हो जहाँ महेश बाबू आफ्नो घर भन्दा बढी समय बिताउने गर्छन् । सुटिंगको क्रममा थाकेका  महेशबाबू  यस स्थानमा धेरै राहत पाउँदछन्।

महेश बाबूको भ्यानिटी भ्यानमा दुई बेडरूम छन्। भ्यानिटी भ्यानमा लगाइएको टिभी सेट पनि सामान्य छैन। भ्यानमा भएको स्याटेलाइट टेलिभिजन हो ।  जसमार्फत कहीँ पनि इन्टरनेट चलाउन सकिन्छ  र कुनै पनि देशको च्यानलहरू हेर्न सकिन्छ। यो टेलिभिजन महेश बाबूको विशेष मागमा राखिएको हो । 

बीबीसीका अनुसार महेश बाबूको भ्यानिटी भ्यानलाई एक विलासी घरको तुलना गर्न सकिन्छ। यसका साथै महेश बाबूको मेकअप कुर्सी पनि गजबको छ ।भ्यानिटी भ्यानको सो भागलाई हरियो कोठा पनि भन्न सकिन्छ। महेश बाबूले भ्यानिटी भ्यानको डिजाइनरलाई आफ्नो छनौट अनुसार गराएका हुन्। भ्यानिटी भ्यानलाई 'कारभान' पनि भनिन्छ।