-
-
-
-
मोरङ । मोरङको सुन्दरहरैचा ७ मा डेढ वर्षीया बालिकाको मृत्यु रहस्यमय बनेको छ । मण्डल थरकी ती बालिका शुक्रबार साँझ ५ बजेतिर घरबाटै हराएकी थिइन् ।
परिवारले खोज्दा ६ बजेतिर नजिकैको झाडीमा बालिका चिच्याइरहेको अवस्थामा फेला पारेका थिए । बालिकालाई गछियाको गछिया मेडिकलहलमा लगिएको रहेछ । वडा अध्यक्ष चैतन्य सिटौलाले मेडिकल हलले शरीरका विभिन्न अंगहरुमा चोटपटक तथा योनिबाट रगत बगिरहेको देखेपछि प्रहरीलाई खबर गरेको बताए ।
उपचारका लागि विराटनगरको नोबेल अस्पतालमा लगिएकोमा उपचारका क्रममा राति १२ बजे नै मृत्यु भएको वडाध्यक्ष सिटौलाले बताए ।
प्रहरीले भने बालिकाको स्वास्थ्य परिक्षणको रिपोर्ट नआइसकेकाले अहिले नै यही हो भन्ने अवस्था नभएको बताएको छ ।
‘घटनाको अनुसन्धान थालेका छौँ’, जिल्ला प्रहरी कार्यालय मोरङ एसपी जनार्दन जीसीले भने, ‘शव पोष्टमार्टमका लागि वीपी कोइरला स्वास्थ्य विज्ञान प्रतिष्ठान पठाएका छौं रिपोर्ट आएपछि यकिन भन्न सकिन्छ ।’
