-
-
-
-
काठमाडौं । भारतको जसपुर जिल्लामा एक किशोरीमाथि पाँच युवकले सामूहिक बलात्कार गरेका छन् । विवाह समारोहमा सहभागी हुन गएकी युवतीलाई पाँच युवकले जबरजस्ती लगेर सामूहिक बलात्कार गरेका हुन् ।
किशोरी गत मे १७ गते राति गाउँमा विवाह समारोहमा सहभागी हुन गएकी थिइन् । उनी आदिवासी परिवारकी हुन् । विवाह समारोहबाटै ५ जना युवाले उनलाई उठाएका थिए ।
युवतीले आफूलाई बचाउन भनेपछि युवकहरूले उनलाई कुटपिट पनि गरेका थिए । त्यसपछि पाँच युवाले उनलाई सामूहिक बलात्कार गरेका थिए ।
घटना भएको २४ घण्टाभित्र प्रहरीमा मुद्दा दर्ता भएको थियो । प्रहरीले घटनामा दुई अभियुक्तलाई पक्राउ गरेको छ भने अन्यको खोजी भइरहेको छ ।
किशोरीमाथि सामूहिक बलात्कार गर्ने अभियुक्तविरुद्ध कडा कारबाही गर्न माग गर्दै स्थानीयले आक्रोश पोखेका छन् ।
