arrow

मुल्मीको मभित्रको म

logo
हाम्रा कुरा
प्रकाशित २०७८ कार्तिक २९ सोमबार
mabhitra.JPG

काठमाडौं । वरिष्ठ समाजसेवी शान्तलाल मुल्मीको मभित्रको म पुस्तक लोकार्पण भएको छ । नेपालको गैरसरकारी क्षेत्रका अभियन्ता एवम् समाजसेवाका अग्रणी मुल्मीको आत्मवृत्तान्त पूर्व प्रधानन्यायाधीश कल्याण श्रेष्ठ, भाषा सेवी मल्ल के सुन्दर, मानवअधिकारकर्मी प्रा.कपिल श्रेष्ठ, साहित्यकार सुलोचना मानन्धर, समालोचक केशव दाहालले संयुक्त रूपमा लोकार्पण गरेका थिए । 

७८ वर्षे मुल्मीले जीवनमा भोगेका राजनीतिक, साहित्यिक, मानवअधिकारलगायत अन्तर्राष्ट्रिय सम्बन्ध लगायतमा मर्मस्पर्शी ढङ्गले इमानदारिताका साथ आत्मवृत्तान्त पस्केका छन् । 

कार्यक्रममा प्रमुख अतिथि एवम् पूर्व प्रधान न्यायधिश कल्याण श्रेष्ठले नछोडी धर्म नतोडी ब्रह्म, गरेर कर्म नै जीवनको मर्म हो भन्ने सन्देश आत्मवृतान्तले पस्केको बताए । आफू कसरी स्वराज हुने भन्ने ज्ञान पुस्तकले दिने पनि उनले स्पष्ट पारे । उनले राजनीतिबाट हामी असुरक्षित हुँदै गइरहेको र नेताहरू जितेको अनि जनता हारेको अनुभूति हुन थालेको टिप्पणी कार्यक्रममा गरेका थिए । 

भाषा सेवी एवम् मानवअधिकारकर्मी मल्ल के सुन्दरले मुल्मीको आत्मवृत्तान्त आफ्नै कथा जस्तो लाग्ने र आफ्नो जीवनसँग पनि मेल खाएको बताउँदै मभित्रको म पुस्तक पढ्दा आफ्नै कथा व्यथा पढेको जस्तै हुने बताए । 

साहित्यकार सुलोचना मानन्धरले आफूले आफैलाई ढाँट्न नसक्ने र मान्छेले जीवनमा गलत गरेता पनि सुधार्ने मौका प्राप्त हुने सन्देश इमानदारितापूर्वक लेखकले लेखेको बताए । पुस्तक नियात्राजस्तै अनि आख्यानजस्तै रहेको पनि उनले टिप्पणी गरे । 

समालोचक केशव दाहालले मभित्रको म आत्मवृत्तान्त शब्दको माधुर्यता रहेको , शब्दको लय मिलेको र मेरो अस्तित्व खोज्न सिक्न सिकाउने खालको रहेको बताए । 

छत्रलक्ष्मी रुद्रलाल मुल्मी स्मृति प्रतिष्ठानले प्रकाशन गरेको पुस्तक लोकार्पणसँगै गोरखाका समाजसेवी धिरज मास्केलाई रुद्रलाल समाजसेवी सम्मान पदक दिइएको थियो । 



लोकप्रिय समाचार
लोकप्रिय समाचार
नयाँ