सवारी दुर्घटनामा परि झापाका होटेल व्यवसायी दम्पतीको मृत्यु

सवारी दुर्घटनामा परि झापाका होटेल व्यवसायी दम्पतीको मृत्यु

हाम्रा कुरा

प्रकाशित २०७८ साउन १३ बुधबार

झापा। झापाको दमकमा मङ्गलवार राती भएको सडक दुर्घटनामा परि दुई जनाको मृत्यु भएको छ। ट्रक र मोटरसाइकल एक आपसमा ठक्कर खादा कर्काइ नगरपालिकाका होटेल व्यवसायी दम्पतीको मृत्यु भएको प्रहरीले जनाएको छ। उनीहरू शुरुङ्गा स्थित होटेल हेबनका सञ्चालक रहेको बुझिएको छ।

पूर्वतर्फ आउँदै गरेको प्र-२-०३-०१३-प ४७८७ नम्बरको मोटरसाइकललाई पश्चिमतर्फ जाँदै गरेको ट्रकले मङ्गलवार राती दमक-४ चिया दोकान नजिक ठक्कर दिँदा दुर्घटना भएको प्रहरीले जनाएको छ।

दुर्घटनामा परि मृत्यु हुनेमा कन्काइ नगरपालिका-३ का पूर्णबहादुर बिस्ट र उनकी श्रीमती भिमा बिस्ट रहेको प्रहरीले जनाएको छ।