काठमाडौँ ।  बलिउडमा सफल कलाकारहरू छन् तर उनीहरू त्यतिकै त्यहाँ पुगेका होइनन् । ठुलो सङ्घर्ष गरेर सो स्थान पाएका हुन् । यी कलाकारहरूले यस तहसम्म पुग्न कडा मेहनत गरेका छन् । यहाँ हामीले त्यस्तै कलाकारहरूको सङ्घर्षलाई उतारेका छौँ ।

कङ्गना रनौतले २००५ मा फिल्म ग्यांगस्टरबाट आफ्नो करियर सुरु गरेकी थिइन, यद्यपि उनको फिल्म करियर कठिनाइले भरिएको थियो। कङ्गनाको परिवार उनलाई डाक्टर बनाउन चाहन्थे, तर उनको मन र दिमाग अभिनयले भरिएको थियो ।  जसको कारण उनी १६ वर्षको उमेरमा उनको घर छोडेर मुम्बई आइन् । मुम्बई आएपछि कयौँ दिन कङ्गनाले रोटी र अचार खाएर गुजार चलाइन् । यसपछि, कङ्गनाले मोडलिङ र थिएटरमा काम गरिन् ।

नवाजुद्दीन सिद्धिकीको सङ्घर्ष पनि कम छैन । उनले धेरै कठिनाइहरूको सामना गर्नु परेको थियो । आफ्नो सङ्घर्षको दिनमा नवाजले डेढ वर्षसम्म चौकीदार र केमिस्टको रूपमा काम गरे। हरिद्वारमा काम गरिसकेपछि नवाज दिल्ली पुगे र यहाँको थिएटरमा काम सुरु गरे । १९९० मा नवाजले आमिर खानको फिल्म सरफरोशमा सानो भूमिका खेले। यद्यपि लामो समय पछि नवाजुद्दीन सिद्धिकीलाई सर्वश्रेष्ठ चलचित्रमा काम गर्ने मौका मिल्यो। 

बलिउडमा धर्मेन्द्रको पन्जाबबाट मुम्बईको यात्रा सजिलो थिएन। मुम्बई आए पछि धर्मेन्द्रले धेरै दिन ड्रिलिङ फर्ममा काम गरे, जहाँ उनी २०० रुपैयाँ पाउँथे। धर्मेन्द्र मुम्बईमा बस्ने ठाउँ नभएको कारण राति ग्यारेजमा बिताउँथे। अभिनेताले लामो समयसम्म फिल्म इन्डस्ट्रीमा सङ्घर्ष गरे । त्यसपछि उनले १९६० मा फिल्म 'दिल भी तेरा हम भी तेरा' फिल्मबाट डेब्यू गर्ने मौका पाए।

अक्षय कुमारले आफ्नो फिल्म करियर अघि रेस्टुरेन्टमा वेटर र शेफको रूपमा काम गरे। यस बाहेक अक्षय कुमार मार्सल आर्टका प्रशिक्षक पनि थिए। १९९० को दशकमा अक्षय कुमारले धेरै एक्सन फिल्महरूमा अभिनय गरेका थिए जसमा उनले आफैँले आफ्नो खतरनाक स्टन्टहरू गरे।

दक्षिण सिनेमाका थालाइव रजनीकान्तको फिल्म हेर्नका लागि मानिसहरू लामो लाइन लागेर टिकट लिन्छन् । तर एक समय यस्तो पनि थियो रजनीकान्त आफैले बसमा टिकट बाँड्ने कन्टेक्डरको काम गर्थे। चलचित्रमा काम गर्नु अघि, रजनीकान्तले बंगलोर यातायात सेवामा कन्डक्टरको रूपमा काम गरे। १९७३ मा रजनीकान्तले मद्रास फिल्म संस्थानमा अभिनयका लागि डिप्लोमा गर्न आवेदन दिए। यस पछि, रजनीकान्तले तमिल फिल्ममा ब्रेक पाए, रजनीकान्तलाई पद्मश्री र पद्म भूषण जस्ता ओजस्वी पुरस्कारले सम्मानित गरिएको छ।

कङ्गना रनौतले २००५ मा फिल्म ग्यांगस्टरबाट आफ्नो करियर सुरु गरेकी थिइन, यद्यपि उनको फिल्म करियर कठिनाइले भरिएको थियो। कङ्गनाको परिवार उनलाई डाक्टर बनाउन चाहन्थे, तर उनको मन र दिमाग अभिनयले भरिएको थियो ।  जसको कारण उनी १६ वर्षको उमेरमा उनको घर छोडेर मुम्बई आइन् । मुम्बई आएपछि कयौँ दिन कङ्गनाले रोटी र अचार खाएर गुजार चलाइन् । यसपछि, कङ्गनाले मोडलिङ र थिएटरमा काम गरिन् ।

बलिउडको बाजीगर र बादशाह कहलाइने शाहरुख खानको पनि सङ्घर्ष  कम छैन। शाहरुख खान १,५०० रुपैयाँ मात्र लिएर दिल्लीबाट मुम्बई आएका थिए । बस्ने स्थानको अभावका कारण उनले रातको समय  रेलमार्गमा बिताए। सङ्घर्षका दिनहरूमा , अभिनेता कन्सर्टमा एक परिचरको रूपमा काम गरे। उनले सो समय १९९४ मा आएको फिल्म 'कभी हाँ कभी ना' कव  टिकट पनि बिक्री गरे। फिल्महरूमा देखा पर्नु भन्दा पहिले शाहरुख खानले धेरै नाटकहरूमा काम गरिसकेका थिए, जहाँ उनको अभिनयको लागि धेरै पटक प्रशंसा गरिएको थियो।

मुन्नाभाई एमबीबीएस, गोलमाल र हङ्गामा जस्ता हास्य फिल्महरूमा काम गर्ने अर्शद वारसी घर-घरमा गएर सामान बेच्थे। फिल्ममा काम गर्नु अघि अरशद वारसी सेल्सम्यानको रूपमा काम गर्थे। यसपछि उनले धेरै फिल्महरूमा सानो भूमिका खेले, तर पछि अरशद वारसीले राम्रो र उत्कृष्ट फिल्महरूमा काम गर्ने मौका पाए।