arrow

११ वर्षमा एचआईभी एड्स प्रमाणित नभएपछि चीनका नागरिकले मागे क्षतिपूर्ति

logo
प्रकाशित २०७३ जेठ १३ बिहिबार
congolese-struggle-to-survive-in-war-torn-conditions.jpg.jpeg
जेनजाउ, (चीन) । चीनका एकजना सर्वसाधारण किसानलाई स्वास्थ्य जाँचको क्रममा चिकित्सकले एचआईभी एड्स भएको भनेपछि उनले अहिले आएर क्षतिपूर्ति दाबी गरेका छन् । 
 
चीनका एकजना किसानलाई चिकित्सकले स्वास्थ्य जाँचका क्रममा सो सङ्क्रमण देखाएका थिए । तर त्यसको करिब ११ वर्षपछि आफूलाई त्यस्तो कुनै रोग नदेखिएको प्रमाणित भएपछि उनले क्षतिपूर्ति दाबी गरेका हुन् । 
 
मध्य चिनियाँ प्रान्त हेनानका ५३ वर्षीय किसानले सन् २००४ मा गरिएको स्वास्थ्य जाँचका क्रममा उनलाई सो रोग लागेको भनिएको र हाल आएर त्यो सङ्क्रमण नपाइएकोले उनले सो दाबी गरेका हुन् । 
 
उनको सन् २००४ मा जेनपिङ काउन्टीमा स्वास्थ्य परीक्षण भएको थियो । त्यस समयमा आफूलाई गलत परीक्षण गरी त्यस्तो रोग देखाइएको भन्दै ती किसान याङ सौफाले आफूलाई क्षतिपूर्ति दिनुपर्ने सो काउन्टीको उपचार केन्द्रसँग माग गरेका हुन् । 
 
उनले आफूले सो रोग लागेको भनेका कारणले जीवनमा धेरै दुःख पाएको भन्दै उक्त जिल्लाको स्वास्थ्य परीक्षण गर्ने केन्द्रसँग सो माग गरेका हुन् । 
 
तर सो केन्द्रका उपनिर्देशक उ जापाङले भने त्यस समयमा कम्तीमा पनि २ लाख ८० हजार नागरिकको स्वास्थ्य परीक्षण गरेकाले एकको रगत अर्कोको कागजमा परेको हुनसक्ने भनेका छन् । 
 
उनले त्यस समयमा आम रूपमा नागरिकलाई निःशुल्क स्वास्थ्य परीक्षण गरिएको र त्यस समयका सबै परीक्षण रिपोर्टहरू रहेको र परीक्षण गर्ने उपकरणहरू पनि कमसल नरहेको दाबी गरेका छन् । 
 
तर ती किसानले भने आफ्नो जीवनमा यस घटनाले ठूलो क्षति पुगेको भन्दै यसका लागि कम्तीमा पनि तीन लाख अमेरिकी डलर बराबरको क्षतिपूर्ति सो केन्द्रले दिनुपर्ने माग गरेका छन् । 
 
यसका कारण एड्स उपचार केन्द्रमा आपूm जानुपर्ने, बर्सेनि स्वास्थ्य परीक्षण गराउनुपर्ने तथा अरु विभिन्न खालाको तनाव व्यहोर्नुपरेको पनि बताएका छन् । 
 
उनले सन् २०१२ सम्म नै स्वास्थ्य केन्द्रमा यस्तो उपचार गराउने गरेको तर पछि आएर मात्र आफूलाई यस्तो सङ्क्रमण नै नभएको पाइएको थियो । सिन्ह्वा 



लोकप्रिय समाचार
लोकप्रिय समाचार
नयाँ