निर्देशक दशरथ गिरीको निर्देशन रहेको भिडियोमा सोनिका, नरेशवीर सिंह र सविन श्रेष्ठले फिचरिङ गरेका छन् ।
प्रकाशित २०७२ माघ २१ बिहिबार
1.2k
Shares
काठमाडौं । गायिका सोनिका लामाले आफ्नो चौथो एल्बम ‘सोनिका’मा रहेको ‘सलमानको जस्तै यार चाहियो’ बोलको गीतको म्युजिक भिडियो सार्वजनिक गरेकी छन् । बिहीबार राजधानीमा आयोजित एक कार्यक्रममा लोक गायक तथा सञ्चारकर्मी मनोहरि थापाले भिडियो सार्वजनिक गरेका हुन् ।
निर्देशक दशरथ गिरीको निर्देशन रहेको भिडियोमा सोनिका, नरेशवीर सिंह र सविन श्रेष्ठले फिचरिङ गरेका छन् । गीतमा केदार नेपालीको संगीत र शब्द रहेको छ । भिडियोमा रामेशवर कार्कीको छायांकन र निर्देशक दशरथकै सम्पादन छ ।
सोनिकाले यसअघि ‘बेसहारा’, ‘कस्तो यो जीवन’ र ‘सोनिकाको जवानी’ नामका एल्बम बजारमा ल्याईसकेकी छन् । कार्यक्रममा विशेष अतिथि थापाले गायिकाको मुस्कानजस्तै गीत पनि राम्रो भएकाले भिडियोलाई दर्शकले रुचाउने भन्दै शुभकामना दिएका थिए ।