एजेन्सी । २० औ शताब्दिका आध्यात्मिक गुरु आचार्य रजनीश 'ओशो' को आज २६ औ पुण्यतिथि हो । उनका निधन १९ जनवरी, १९९० भारतको पुणेमा भएको थियो । एक साधारण कपड़ा व्यापारीको घरमा जन्मिएका ओशो आफ्नो चेतनाले मानिसहरु बिच लोकप्रिय बने।एघार भाई-बहिनिहरु मध्ये ओशो सबै भन्दा जेठा हुन् । मानिसहरु उनलाई कयौ नामले चिन्दछन् । ओशोका अनुयायी देश-विदेशवाट हजारौको संख्यामा पुणे स्थित उनको आश्रममा ज्ञान र अध्यात्म दीक्षा हासिल गर्न जाने गर्दछन् ।
यि मध्ये बलिउड र हलिउडका सेलेब्रेटि पनि रहेका छन् । ओशो ज्ञान र स्पष्ट विचारका कारण सधै चर्चामा रहे । उनको पुणे स्थित आश्रममा ज्ञान लिने मानिसहरुको भिड देख्न सकिन्छ । अोशोको आश्रममा प्रवेश गर्नको लागि प्रत्येक आगंतुकको एचआईभि टेस्टको लागि ब्लड सेम्पल दिनुपर्ने हुन्छ । एड्स नलागेका आगंतुकहरुलाई मात्र आश्रममा प्रवेशको लागि अनुमति दिइने गरिन्छ ।