काठमाडौं । बंगलादेशमा जारी इमर्जिङ टिम्स एसिया कप क्रिकेटको समूह चरणको अन्तिम खेलमा नेपालले हङकङसँग खेलिरहेको छ ।
नेपालले टस जितेर पहिले फिल्डिङ गरिरहेको छ । हङकङले राम्रो सुरुवाता गरेको छ ।
समूह चरणमा लगातार दुई खेल हारेर नेपाल र हङकङ बाहिरिइसकेका अवस्थामा यो खेल केवल दुवै टिमका लागि आपसमा प्रतिष्ठा कायम गर्नका लागिमात्र हुनेछ ।
समूह बी मा पाकिस्तान र बंगलादेश सेमिफाइनलमा पुगिसकेका छन् भने नेपाल र हङकङ बाहिरिएका छन् । नेपाल पहिलो खेलमा पाकिस्तानसंग ६ विकेटले तथा बंगलादेशसँग ८३ रनको पराजित भएको थियो ।
एसियाका एसोसिएट राष्ट्रलाई माथि उकास्नका लागि आयोजित इमर्जिङ टिम्स एसिया कपमा टेष्ट खेल्ने चार राष्ट्रका २३ वर्ष मुनिका र चार एसोसिएट राष्ट्रका राष्ट्रिय टोली सहभागी छन् ।
अर्को समूहमा भारत र श्रीलंकासंगै अफगानिस्तान र मलेसिया रहेका छन् ।
नेपाली टिम ज्ञानेन्द्र मल्लको कप्तानीमा रहेको छ ।
