स्टाडियो डो मारिटिमो । मैत्रिपूर्ण अन्तर्राष्ट्रिय फुटबलमा पोर्चुगल स्वीडेनसंग पराजित भएको छ । घरेलु मैदान स्टाडियो डो मारिटिमोमा खेलेको पोर्चुगलले स्वीडेनसंग ३–२ को हार बेहोरेको हो ।
क्रिष्टियानो रोनाल्डोले १८ मिनेटमा गोल गर्दै पोर्चुगललाई अग्रता दिलाए । स्वीडेनका ग्रान्भिस्टले आत्मघाती गोल गर्दा पोर्चुगल २–० ले अगाडि भयो ।
तर त्यसपछि भिक्टोर क्लेसनले लगातार दुई तथा इन्जुरी समयमा जाओ कान्सेलोले आत्मघाती गोल गरेपछि स्वीडेनले अप्रत्याशित जित हासिल गरेको हो ।
यता, इटालीले नेदरल्याण्डसलाई २–१ ले हरायो । १० मिनेटमै इटालीका रोमाग्नोलीले आत्मघाती गोल गरेपछि नेदरल्याण्डले अग्रता लिए पनि त्यसको एक मिनेटमै एडर र ३२ औं मिनेटमा लियोनार्डो बोनुसीले गोल गर्दै इटालीलाई जिताए ।
त्यस्तै फ्रान्स स्पेनसंग २–० ले पराजित भएको छ । ६८ औं मिनेटमा डेभिड सिल्भाले आत्मघाती गोल गर्दा पारम्भिक अग्रता लिएको स्पेनलाई ७७ औं मिनेटमा जेरार्ड डिउलोफुले गोल थप्दै २–० ले जिताए ।
