ला पाज । रेफ्रीमाथि अभद्र व्यवहार गरेको आरोपमा अर्जेन्टिनी फुटबल स्टार लिओनल मेस्सीलाई फिफाले चार खेलमा प्रतिबन्ध लगाएपछि अर्जेन्टिना पनि डग्मगाएको छ ।
अर्जेन्टिना विश्वकप छनोटको खेलमा बोलिभियासंग २–० ले पराजित भएको हो । मध्यान्तरअघि हुँवा कार्लोस आर्सले पहिलो गोल गरेका थिए भने ५३ औं मिनेटमा मार्सेलो मार्टिन्स मोरेनोले अग्रतालाई दोब्बर गरेका थिए ।
हारपछि अर्जेन्टिना १० टोली सहभागी समूहको १४ खेलबाट २२ अंकसहित पाँचौं स्थानमा झरेको छ ।
चार टोली विश्वकप छनोटको अर्को चरणमा पुग्नेछन् भने पाँचौं स्थानको टोलीले फेरि अर्को छनोट खेल्नुपर्नेछ । समूहमा ब्राजिलको शान कायमै छ ।
अर्जेन्टिनाभन्दा अगाडि युरुग्वे, कोलम्बिया र चिली छन् ।
