arrow

सुदूरपश्चिमको विकासका लागि यस्तो छ प्रधानमन्त्रीको मार्गचित्र

संविधान संशोधन प्रस्ताव फिर्ता हुँदैन सहमतिमा परिमार्जन हुन्छ

logo
प्रकाशित २०७३ मंसिर २२ बुधबार
kailali-ma-pm-cm.jpeg

काठमाडौं । प्रधानमन्त्री पुष्पकमल दाहालले सुदूरपश्चिम अहिलेसम्म राज्यवाट पछाडि पारिँदै आएकाले अब यो क्षेत्रको विकासका लागि तीब्र गतिमा काम गर्ने बताएका छन् । प्रधानमन्त्री दाहालले आफ्नो ध्यान अहिले देशको विकास र आर्थिक सम्बृद्धिमा गएको बताउँदै दिगो शान्तिका लागि आर्थिक सम्बृद्धि जरुरी रहेकोमा जोड दिए ।

बुधवार दिउँसो कैलालीको धनगढीमा सुदूरपश्चिम महोत्सवको उदघाटन गर्दै प्रधानमन्त्रीले यसो भनेका हुन् । प्रधानमन्त्री दाहालले सुदूरपश्चिममा प्रादेशिक विश्वविद्यालय र मेडिकल कलेज खोल्ने प्रक्रिया अघि बढाइसकेको जानकारी दिँदै सुदुरपश्चिमको औधोगिकरणका लागि विद्युतिकरणको योजना रहेको सुनाए ।

दाहालले सुदूरपश्चिमका उद्योगहरुलाई सहुलियतमा विद्युत उपलब्ध गराउने पनि बताए । प्रधानमन्त्रीले सुदूरपश्चिमको हरैयामा विशेष आर्थिक क्षेत्र स्थापनाका लागि पहल गर्ने बताउँदै गौरीफण्टा नाकाको स्तरोन्नतीका लागि काम सुरु भइसकेको जानकारी दिए ।

यस्तै, चीनसँग जोडिएको ताक्लाकोट नाका खोल्ने, चादनी दोधारामा सुख्खा बन्दरगाह निर्माण गर्ने, खप्तड रामारोशन पर्यटन क्षेत्र विकास गर्ने, बन पैदाबारजन्य उद्योग स्थापना गर्ने, जडिबुटी प्रशोधन केन्द्र स्थापनाका लागि आफ्नो ध्यान गएको भन्दै चमेलिया जलविद्युत आयोजना निर्धारित समयमै पूरा गर्न जोड दिए ।

पश्चिम सेती जल विद्युत आयोजनावारे अध्ययन भइरहेको बताउँदै प्रधानमन्त्रीले कैलालीमा गहुँको सुपरजोन स्थापना गरिने प्रधानमन्त्रीको भनाई छ । प्रधानमन्त्री दाहालले संविधान कार्यान्वयनका लागि असन्तुष्ट पक्षका जायज माग सम्बोधन गर्दै संविधान संशोधनको प्रस्ताव संसदमा दर्ता गरिएको बताए  ।

यसैगरी, राष्ट्रलाई एकतावद्ध गरेर निर्वाचनमा जाने वातावरणका लागि सरकार लागिपरेको जनाउँदै जनतालाई दुःख दिनेखालका आन्दोलन नगर्न र सहमतिको वाटोमा आउन प्रमुख प्रतिपक्षलाई आग्रह गरे । प्रधानमन्त्री दाहालले संशोधन प्रस्ताव फिर्ता नहुने बताउँदै यसलाई सबैको सहमतिमा परिमार्जन गर्न भने सकिने स्पष्ट पारे ।



लोकप्रिय समाचार
लोकप्रिय समाचार
नयाँ