नोउ क्याम्प । च्याम्पियन्स लिग फुटबलमा स्पेनी क्लव बार्सिलोनाले शानदार प्रदर्शन गरेको छ । समूह सीको विजेता बन्दै प्रिक्वार्टरफाइनलमा पुगेको बार्सिलोनाले अन्तिम खेलमा जर्मन क्लव बोरुसियालाई ४–० ले हरायो ।
बार्सिलोनालाई जिताउने क्रममा २९ वर्षीय टर्किस खेलाडी आर्दा तुरानले ह्याट्रिक गरे ।
एकतर्फी प्रदर्शन गरेको बार्सिलोनाका लागि लियोनल मेसीले एक गोल थपे । यो गोलसंगै जारी सिजनमा मेसीले च्याम्पियन्स लिगमा गोल संख्यालाई १० पुराएका छन् । उनी अब क्रिष्टियानो रोनाल्डोले बनाएको ११ गोलको कीर्तिमानको एक गोललेमात्र पछाडि छन् ।
१६ मिनेटमै खेलमा गोलको खाता खोलेका मेसीले यही खेलमै ह्याट्रिक गर्दै पोर्चुगिच खेलाडी रोनाल्डो कीर्तिमान तोड्ने धेरैको आँकलन थियो ।
जितसंगै १५ अंकसहित बार्सिलोना समूह विजेता बनेको हो । समूह सी बाट अर्को क्लव इङल्याण्डको म्यानचेष्टर सिटी पनि अर्को चरणमा पुगेको छ । म्यानचेष्टर सिटीले समूहको अन्तिम खेलमा स्कटल्याण्डको सेल्टिकसंग १–१ को बराबरी खेल्यो ।
घरेलु इत्तिहाद मैदानमा खेलेको म्यानचेष्टरले चौथो मिनेटमै गोल खायो । प्याट्रिक रोबर्टसले गोल गर्दैै सेल्टिकलाई अग्रता दिलाए ।
तर त्यसको चार मिनेटमै केलिचीले गोल गर्दै म्यानचेष्टरलाई बराबरीमा ल्याए । यो बराबरीपछि म्यानचेष्टर ९ अंकसहित समूहको उपविजेृता हुँदै अर्को चरणमा पुगेको हो । यो समूहबाट सेल्टिक र बोरुसिया बाहिरिएका छन् ।
