काठमाडौँ । स्वास्थ्यमन्त्री गगन थापाले ‘‘जनता क्लिनिक’ मा जनतासँगै आफ्नो स्वास्थ्य परीक्षण गराएका छन् । आफ्नो संसदीय निर्वाचन क्षेत्रमा स्थापना गरेको कार्यालयले संचालन गरेको क्लिनिकमा मन्त्री थापाले स्वास्थ्य परीक्षण गराएका हुन्। मन्त्री थापा काठमाडौँं क्षेत्र नम्बर– ४ बाटै सांसद निर्वाचित भएका हुन् ।
मन्त्री थापाकै अवधारणामा तीन महिनाअघि क्लिनिक सुरु भएको थियो। कार्यालयका प्रमुख रोहित पौडेलले भने, ‘हरेक महिनाको पहिलो शनिबार क्लिनिक सञ्चालन हुने गरेको छ । तर यसपल्ट प्राविधिक कारणले पछि सरेको हो ।’’
बूढानीलकण्ठस्थित श्री जयभद्रकाली प्राथमिक विद्यालयमा बिहान १० बजेदेखि दिउँसो २ बजेसम्म सञ्चालन भएको क्लिनिकमा ७६ जना वयस्क र ८७ जना बालबालिकाको स्वास्थ्य परीक्षण भएको थियो ।
