काठमाडौं । नेपालको लिग च्याम्पियन थ्री–स्टार क्लब एएफसी कप फुटबल प्रतियोगिताको प्ले अफ चरणमा प्रवेश गरेको छ ।
मंगोलियामा भएको प्रतियोगिताको प्ले अफ छनोट खेलमा समूह ‘बी’बाट समूह विजेता बन्दै थ्री–स्टारले अर्को चरणको यात्रा सुरक्षित गरेको हो ।
विहीबार भएको खेलमा मंगोलियाको एर्चिमले कोम्बोडियाको नागावर्ल्डलाई १–० गोलले पराजित गरेपछि थ्री–स्टार दोस्रो चरणमा पुगेको हो ।
थ्रीस्टारले समूहमा १ खेलमा जित र एक खेल बराबरी खेलेको थियो । यद्यपि, थ्री–स्टार ४ अंकका साथ समूह बिजेता बन्न सफल भयो ।
उसले पहिलो खेलमा घरेलु टोली एर्चिमलाई २–० ले हराएको थियो भने दोस्रो खेलमा कम्बोडियाको नागावर्ल्डसँग १–१ को बराबरी खेलेको थियो । थ्री–स्टारले अब एएफसी कपको प्ले अफ चरणमा प्रतिस्पर्धा गर्नेछ । थ्री–स्टार एएफसी कपको फाइनल चरणमा पुग्ने पहिलो नेपाली क्लब भएको छ।
