एजेन्सी । कालो हरिण शिकारको दुबै आरोपबाट सलमान खानलाई ठूलो राहत मिलेको छ । भारतको जोधपुर हाइकोर्टले १७ बर्ष पुरानो यो मुद्दामा फैसला सुनाउँदै सलमानलाई सफाई दिएको हो ।
सलमानले भारतको तल्लो अदालतमा एक वा पाँच बर्षको सजायलाई चुनौती दिएका थिए । राज्य सरकारले सुनाएको उक्त सजाय माथि सलमानले असन्तुष्ट जनाउदै अपील गरेका थिए ।
सलमानले सन् १९९८ मा चलचित्र ‘हम साथ साथ हे’ को सुटिङको क्रममा दुईवटा कालो हरिणको शिकार गरेका बताइन्छ । तल्लो अदालतले अप्रिल १० मा सलमान खानलाई दोषी ठहराएको थियो भने सेसन कोर्टले सलमानलाई पाँच वर्षको कैद सजायँ सुनाएको थियो ।