काठमाडौं । बेलायतको पहिलो बिरामी जसका दुवै हात प्रत्यारोपण गरिएको छ उनको रहर छ फेरि बियरको बोतल समाउने र मोटरसाइकल चलाउने । तीन वर्षअघि भयानक दुर्घटनामा परेर दुवै हात गुमाएका ५७ वर्षीय बेलायती नागरिक क्रिस किङ्को गत हप्तामात्र उनका दुवै हात प्रत्यारोपण गरिएको थियो ।
उनी नै दुवै हात प्रत्यारोपण गर्ने बेलायतका पहिलो बिरामी हुन् । लिड्मा उनको शल्यक्रिया भएको थियो । उनले शल्यक्रिया सफल भएसंगै आफूलाई खुसी लागेको र पूर्ण भएको प्रतिक्रिया दिए ।
विश्वमा अहिलेसम्म ८० हातमात्र प्रत्यारोपण गरिएको छ । शल्यक्रियाले उत्साही क्रिसले आफैले बियरको बोतल समाउने, आफै आफ्नो सर्ट लगाउने र शानका साथ मोटरसाइकल चलाएर देखाउने चाहना राखेका छन् ।
उनी हात प्रत्यारोपण गर्ने दोस्रो बेलायती पनि बनेका छन् । यसअघि सन् २०१२ मा एक बेलायती पबका मालिक मार्क काहिलको हात प्रत्यारोपण भएको थियो ।
दुवै बिरामीको शल्यक्रिया सर्जन सिमोन केले गरेका हुन् । (डेलीमेलबाट)
